Fernando Torres

Fernando José Torres Sanz, nado en Fuenlabrada (Madrid) o 20 de marzo de 1984 é un exfutbolista español, de orixe galega. Xogaba na demarcación de dianteiro, o equipo no que xogou máis tempo foi o Atlético de Madrid e retirouse en 2019 no Sagan Tosu do Xapón, adestrado alí polo catalán Lluís Carreras.

Tamén xogou na selección de fútbol de España, coa que gañou a Copa Mundial de Fútbol en 2010 e as Eurocopas de 2008 e 2012, un triplete inédito na historia do fútbol. Marcou o único gol da vitoria na final da Eurocopa 2008 e tamén marcou un e asistiu outro dos catro goles na final da Eurocopa 2012, na que recibiu, con tres goles, a Bota de Ouro ao máximo goleador da competición. Provided by Wikipedia