Hikaru Nakamura

Christopher Hikaru Nakamura, nado o 9 de decembro de 1987 é un Gran Mestre de xadrez estadounidense, streamer, YouTuber, cinco veces campión de xadrez dos Estados Unidos e o actual campión mundial de xadrez aleatorio de Fischer. Prodixio do xadrez, conseguiu o seu título de Gran Mestre aos 15 anos, sendo o estadounidense máis novo no momento en facelo. Cunha puntuación máxima de 2816 Elo, Nakamura é o décimo xogador mellor valorado da historia.

Nakamura representou aos Estados Unidos en sete Olimpíadas de Xadrez (2006, 2008, 2010, 2012, 2014, 2016, 2018), conseguindo unha medalla de ouro por equipos e dúas de bronce por equipos, e participou en tres Torneos de Candidatos, rematando de segundo na edición de 2024, cuarto na edición de 2022 e sétimo na edición de 2016. En maio de 2014, cando a FIDE comezou a publicar clasificacións oficiais de xadrez rápido e blitz, Nakamura ocupaba o posto número 1 do mundo en ámbalas listas; mantívose no primeiro rango ou preto do número 1 en rápido e blitz dende entón.

Dende 2018, Nakamura desenvolveu a súa carreira como creador de contido e, posteriormente, asinou cunha organización de deportes electrónicos TSM, para unirse máis tarde a Misfits Gaming. Tendo canles populares en Twitch, Kick e YouTube, Nakamura é o streamer de xadrez máis popular e foi acreditado por contribuír ao crecemento da popularidade do xadrez en liña. Provided by Wikipedia