Jack Nicklaus

thumb|250px|Jack Nicklaus 2019an. Garai guztietako golf jokalari handienetako bat dela onartzen da mundu mailan. Jack William Nicklaus (Upper Arlington, Ohio, Ameriketako Estatu Batuak, 1940ko urtarrilaren 21a) estatubatuar golf jokalari profesional ohia da, bere ibilbidean zehar lortutako garaipenengatik eta markengatik garai guztietako golfaririk onenatzat hartu ohi dena. Kirolaren munduan ''Urrezko Hartza'' (ingelesez: ''The Golden Bear'') goitizenaz da ezaguna. Bere ibilbide profesional luzean zehar, nazioarteko 18 txapelketa nagusi (''Major'' direlakoak) irabazi zituen, historian inork gainditu ez duen errekorra, eta guztira 73 garaipen lortu zituen PGA Tour zirkuitu profesionalean, historiako hirugarren markarik onena izanik Sam Snead eta Tiger Woodsen atzetik.

1962an hartu zuen golfa lanbidetzat, amateur gisa arrakasta handiak lortu ondoren, eta berehala bihurtu zen munduko jokalari nabarmenetako bat, Arnold Palmer eta Gary Playerrekin batera, golfa kirol masibo eta telebistaz ematen zen ikuskizun global bihurtzen lagundu zuen "Hiru Handiak" (''The Big Three'') taldea osatuz. Wikipediatik informazioa lortu