Joanne

''Joanne'' Lady Gaga abeslari eta musikagile estatubatuarraren bosgarren estudio-albuma da, mundu mailan 2016ko urriaren 21ean kaleratutakoa, Interscope Records diskoetxepean argitaratutakoa. Gagaren arabera, ''Joanne'' izenburua bere izebaren omenean dago ezarria, hemeretzi urte zituela lupusak jota hil zena, 1974ko abenduan. Albumaren abesti guztiak Gaga berak idatzitakoak dira, puntualki Mark Ronson, BloodPop, Josh Homme eta Hillary Lindsey laguntzarekin. Musikalki, ''Joanne'' pop musikaz dago josia, rock arinaren eta ''country''aren influentzia argiak baditu ere; hala, Gagaren lehen diska da non, modu argian, ''dance'' musikaren elementuak ez diren ageri. Letren inguruan, jorratzen diren gaiak, besteak beste, hurrengoak dira: desamodioa, diskriminazioa, jainkozaletasuna eta bihozmina. Wikipediatik informazioa lortu