Rick Riordan

Richard Russell "Rick" Riordan (1964ko ekainaren 5a) estatubatuar idazle bat da. Percy Jackson eta Olinpiarrak sagaren egilea izateagatik da ezaguna da.

Helduentzako ''Tres Navarres'' liburuen egilea ere bada eta ''Demigods and Monsters''-en edizioan ere lagundu zuen, Percy Jacksoni buruzko bilduma batean. ''The 39 Clues'' liburuen garapenean ere lagundu zuen, ''Hezurren labirintoa'' deitu zitzaion lehen liburua idatziz.

2012an Egiptoar mitologiari buruzko ''Kanetarren Kronikak'' trilogia amaitu zuen eta handik bi urtera, 2014ean, ''Olinpoko Heroiak'' saga, ''Percy Jackson eta Olinpiarrak'' sagaren jarraipena. Azken liburu hauek greziar mitologian eta erromatarrean oinarriturik daude. Riordanek idatzi dituen liburu gehienak greziar, erromatar edo egiptoar mitologiaren ingurukoak dira, baina denak ere gaur egungo garaietan gertatuko balira bezala irudikatzen ditu.

2015eko urriaren 6an bere saga berria aurkeztu zuen, ''Magnus Chase eta Asgardeko heroiak: Denboraren ezpata'' (Ingelesez, ''The Sword of Summer''). Handik gutxira, ''Apoloren probak: Ezkutuko orakulua'' deitu zion saga berri bat aurkeztu zuen, ''Olinpoko heroiak'' sagaren jarraipena izango zena. Wikipediatik informazioa lortu