Samuel P. Huntington

Samuel Phillips Huntington (New York, 1927ko apirilaren 18a - Martha's Vineyard, Massachusetts, 2008ko abenduaren 24a) estatubatuar politologo eta irakaslea izan zen.

Yale, Chicago eta Harvardeko unibertsitateetan ikasi zuen. Azken horretan mende erdi baino gehiagoz irakatsi zuen.

Etxe Zuriko segurtasun planen koordinatzailea izan zen Jimmy Carterren presidentetzan. Halaber, Pieter Willem Botha Hegoafrikako presidentearen segurtasun-zerbitzuei aholkuak eman zizkien.

Zibilizazioen arteko talkaren teoriaren egilea izan zen: Gerra hotzaren ondorengo mundu-ordena berrian, gerrak ez dira herrialdeen artekoak izango, zibilizazioen artekoak baizik. Islamiar estremismoa Mendebaldearen mehatxu nagusia izango litzateke. Wikipediatik informazioa lortu